Iako su političko-ekonomski poremećaji uticali na brojne sfere poslovanja, prije svega kroz rekordnu inflaciju, oni nisu imali značajniji uticaj na evropsko tržište rada. Neke od najvećih evropskih kompanija u pogledu zaposlenih bile su “nedodirljive”, a tržište je bilo zaštićeno od otkaza zbog odgovora bloka na pandemiju koronavirusa, jer su brze vakcinacije dovele do brzog ponovnog otvaranja i rasta zapošljavanja baš u trenutku kada su se počele osjećati posljedice rata u Ukrajini.
Evropska komisija je objavila da je uticaj invazije na inflaciju počeo tek tokom trećeg kvartala 2022. godine, pošto je rast zaposlenosti usporio iz kvartala u kvartal, ali je ostao veći na godišnjem nivou. Istovremeno, nedostatak radne snage je nastavio da pravi problem preduzećima, jer je sve starije stanovništvo odlučilo da se penzioniše. Neke industrije koje su se suočile s najvećim brojem manjka radne snage bile su duvanski sektor, industrija koksa i rafinisane nafte, rudarstvo minerala i pića.
A koje su, prema posljednjim podacima, najveće evropske kompanije po broju radnika pogledajte u nastavku:
5. Sodekso (Sodexo) – Francuska
Najnovija procjena broja zaposlenih: 422.000
Sodexo SA je francuski provajder poslovnih usluga. Sjedište firme je u Isi les Mulijenu. Zadovoljava potrebe širokog spektra kupaca, kao što su preduzeća, državne institucije, bolnice, energetske kompanije i drugi. Firma ima i odjeljenje za naručivanje hrane i omogućava drugim kompanijama da upravljaju beneficijama i mobilnošću svojih zaposlenih. Pored toga, Sodekso pruža i usluge brige o djeci, kao i kućnu njegu za starije građane. Firma je osnovana 1966.
4. Gazprom – Rusija
Najnovija procjena broja zaposlenih: 468.000
Javno akcionarsko društvo Gazprom jedan je od najvećih svjetskih dobavljača prirodnog gasa. Odgovoran je za većinu ruskog izvoza prirodnog gasa i dominantan je igrač u globalnoj energetskoj industriji. Firma je osnovana 1993. godine sa sjedištem u Moskvi. Kompanija posjeduje više od stotinu kilometara gasovoda, a proizvodi i sirovu naftu, toplotnu i električnu energiju.
3. Dojče post AG (Deutsche Post AG) – Njemačka
Najnovija procjena broja zaposlenih: 554.975
Dojče Post je jedna od najvećih logističkih kompanija na svijetu. Kao što ime govori, riječ je o njemačkoj firmi koja je osnovana 1490. godine, što je čini jednom od najstarijih kompanija ne samo na ovoj listi već i u svijetu. Deutsche Post ima sjedište u Bonu i posluje na gotovo svim kontinentima. Osim isporuke pošte i paketa, firma takođe pruža usluge upravljanja lancem snabdijevanja i logistikom. Kompanija je najpoznatija preko svog brenda DHL i direktan je nasljednik njemačke državne službe pošte.
2. Volksvagen (Volkswagen) – Njemačka
Najnovija procjena broja zaposlenih: 675.805
Volksvagen je jedan od vodećih svjetskih proizvođača automobila, osnovana 1937. godine sa sjedištem u Volfsburgu. Volksvagen proizvodi i prodaje automobile, komercijalna vozila i razne druge proizvode. Oni koriste vlastito inženjersko iskustvo i uključuju stavke kao što su motori i komponente turbina. Pored toga, firma takođe kupcima nudi i finansiranje za kupovinu svojih proizvoda, piše Investitor.
1. Akčenture (Accenture) – Irska
Najnovija procjena broja zaposlenih: 738.000
Akčenture je irska tehnološka kompanija sa sjedištem u Dablinu. Pruža upravljanje podacima, softversko inženjerstvo, poslovnu analitiku i proizvode i usluge vještačke inteligencije. Kompanija je privukla vrijedne investicije a među značajnim ulagačima su 63 hedž fonda koji su u četvrtom kvartalu 2022. kupili dionice Akčenturea. Ako Lapital biznismena Nikolaija Tangena najveći je investitor sa udjelom od 512 miliona dolara.
Izvor: srpskainfo.com
